માથાસુલિયા પ્રાથમિક શાળા

તા. ૨૮ જુલાઈ ૨૦૨૩   આજ રોજ માથાસુલિયા પ્રાથમિક શાળાના બાળકોએ કલા ઉત્સવ - ૨૦૨૩ માં જૂથ કક્ષાએ ભાગ લીધેલ હતો. જેમાં રાયગઢ જૂથની અન્ય શાળાના બાળકો સાથે વાર્તા કથન, વાર્તા લેખન, કાવ્ય લેખન, ચિત્ર સ્પર્ધા, ગીત સ્પર્ધા અને વાદન સ્પર્ધા યોજાઈ હતી. જે અંતર્ગત શાળાના કુલ ૬ બાળકોએ ભાગ લીધેલ હતો. આ સ્પર્ધાઓમાં શાળાના નીકુલસિંહ મહેશસિંહ પરમાર, ધોરણ - ૭ વાદ્ય (ઢોલ વાદન)માં પ્રથમ ક્રમે વિજેતા થઈને શાળાનું ગૌરવ વધાર્યું છે. આ ઉપરાંત શાળાની પરમાર ત્વિષાબેન જીતેન્દ્રભાઈ અને પરમાર ગાયત્રીબેન પ્રહલાદસિંહ દ્વારા અનુક્રમે વાર્તા લેખન અને કાવ્ય લેખનમાં દ્વિતીય ક્રમે વિજેતા થઈને શાળાનું ગૌરવ વધાર્યું છે. વિજેતા તથા ભાગ લેનાર તમામ બાળકોને શાળા વતીથી અભિનંદન. 

 માથાસુલિયા પ્રા. શાળાના બાળકો સર્જનાત્મકતા ખીલવી શકે તે આશયથી Lead by Design અને Teach for India ની મદદથી આ શાળામાં Creative Learning Classroom Activities કરાવવામાં આવે છે. જે અંતર્ગત પ્રોજેક્ટ સ્વરૂપે ધોરણ ૮ ના બાળકોને આ પ્રવૃત્તિમાં સામેલ કરવામાં આવ્યા છે. આ અંતર્ગત દર સપ્તાહે એક કલાકની વિવિધ પ્રવૃત્તિઓ દ્વારા તેમની સર્જનશક્તિને વિકસાવવાનો પ્રયત્ન કરવામાં આવશે.